#गजल
ऐना यिहे सालम डोली सजाक लैजिहो टु
फुर महिन आपन जोर्ह्या बनाक लैजिहो टु
सद्द खुशी रबि हम्र सच्चा मैयम दुनुज
केक्रो नजर लाग सेकि बचाक लैजिहो टु
बचैबी सद्द च्वाखा मैयाँ जुनि जुनि पुग्ना
शंकालु नि बन्बी सक्कु हटाक लैजिहो टु
एक्ना एक दिन छ्वार पर्ना जन्म घर आपन
आखिम से आसँ गिर सेकि हसाक लैजिहो टु
घर छ्वार बेर केही दुख नि लागिजे हजुर
रुईम हसम ट का आसँ बहाक लैजिहो टु
सन्जिता चौधरी
दाङ सौडियार
