सुख दुखम साथ डेना अापन यिहे सिम्बोल

गजल

ज्यान  प्राण मनमुटु धड्कन यिहे सिम्बोल।
जत्रा बा  सम्पत्ति सक्कु धन यिहे सिम्बोल।।

हार मानल असक लग्ठा कभुँ ट जिन्दगीम।
कसिन ना घरी घरी फेर्ठो मन यिहे सिम्बोल।।

मै रूईलसे फे टु हासँल डेख्ना म्वा चाहा बा।
लगैठो मनमुटु से  नस्य वचन यिहे सिम्बोल।।

टु रूईबेर झर्टि अासँ कहिया हासँल बाटु मै।
सुख दुखम साथ डेना अापन यिहे सिम्बोल।।

निष्ठुरी  बन्क भुलो महि कठो सद्द सद्द जब।
काजे अईठा  याद झन झन यिहे सिम्बोल।।

रमेश दङ्गाली राज
दाङ