अष्ट्रेलियामा रहेका थारु समुदायले माघ(माघी)पर्व धुमधामको साथ मनाए(फोटो फिचर सहित हेर्नुस्)

हमार सनेश सहकर्मी ,,

अष्ट्रेलिया := सिड्नीमा रहेका नेपाली थारु समुदायले माघी पर्व धूमधामका साथ मनाएका छन्। थारु समाज अस्ट्रेलियाको आयोजनामा टेम्पे रिक्रिएशन रिजर्भमा मङ्गलवार आयोजित महोत्सवमा परम्परागत रूपमा मनाइने माघी पर्वका केही महत्त्वपूर्ण पक्षहरूलाई पनि समेटिएको थियो।

अस्ट्रेलियामा नै पहिलो पटक आयोजना गरिएको माघी महोत्सवमा अवलोकनकर्ताहरूको उल्लेख्य भिड नभए पनि उपस्थित थारु र अन्य समुदायका मानिसहरूले थारु खाना र परम्परागत मदिरा 'छ्यांग' चाख्नुका साथै थारू गीतहरूमा प्रस्तुत नृत्यहरूको मजा लिएका थिए।

परम्परागत पोसाकमा आएकाहरू सँग फोटो खिच्ने होडबाजी

महोत्सव मा विशेष खाना

थारू समुदायको विशेष परिकार ढिकरी बनाउँदै

विशेष खाना खाँदै (सुँगुरको मासु, माछा, चटनी, आलुको अचार र ढिकरी)

चाकु कसरी बन्छ?

माघे सङ्क्रान्ति, मकर सङ्क्रान्ति, माघी वा घ्यो चाकु संल्हु जे भनेर चिनिए पनि आज नेपालमा घ्यू, चाकु, तिलौरी, तरुल, पिँडालु तथा शखरखण्ड खाएर रमाइलो गरी मनाइने दिन हो। यो चाड लेक-बेसी, तराई-पहाड सबैतिर बस्ने नेपालीहरूले आ-आफ्नै तरिकाले मनाउने गर्दछन्।

औपचारिक कार्यक्रम