हमार सनेश सहकर्मी ,,
धनगढी:= कैलारी गाउँपालिका वडा नं. ५ अन्र्तगत सामुदायिक सूचना केन्द्र स्थापनाके लाग आवश्यक सामाग्री हस्तान्तरण करगिल बा ।
ग्राम विकास तथा अनुसन्धान केन्द्र धनगढीके सुशासन परियोजना अन्र्तगत सेसी नेपालके चार लाख रुप्या बराबरके आर्थिक सहयोगमे उक्त सामाग्री हस्तान्तरण करगिल हो । सुशासन परियोजनाके जिल्ला संयोजक ठाकुर प्रसाद करिया प्रधान वडा नं. ५ के वडा अध्यक्ष विष्णुप्रसाद चौधरीहे उ सामाग्री हस्तान्तरण करल रहिट।
यिहे कुँवार १२ गते उद्घाटन हुइना सामुदायिक सूचना केन्द्रके लाग कम्प्युटर, ल्यापटप, प्रिन्टर, फोटोकपी मेसिन, प्रोजेक्टर, एलइडी, रेकर्डर लगायतके सामाग्री हस्तान्तरण करगिल बा ।
हस्तान्तरण कार्यक्रममे वडा सचिव सोनुराम चौधरी, वडा सदस्य लगायतके सहभागिता रहल रहे ।
