तिमी छौँ र पो आमा संसार टेकेको छु ......

गजल,,
कहिले वार कहिले  पार टेकेको छु
तिमी छौ र अामा संसार टेकेको छु

भनेनौ ऐया मलाई दुख्यो भनि कैले
मैले तिम्रो छाती लगातार टेकेको छु

झरेन मोति जस्तो अाँशुका दानाहरु
टेक्न त परेलि को किनार टेकेको छु

मुसार्यौ मलाई कति फूलले छुँदा पनि
तिनै हत्केला पोहोर परार टेकेको छु

सकुँला कसरि यो पाप कटाउन मैले
पुज्नु पर्ने देउता बारम्बार टेकेको छु

             ( बिजय तामाङ )
      घर:- काभ्रे / हाल मलेसिया