लेखक:- अटल सेनेहाङ लिम्बु ,,
लुट मात्रै हैन नेपालमा ब्रम्हा लुट छ पशुपति ।।
भष्टचारी जेलबाट केही लाखमै छुटछ पशुपति ।।
नेतालाई मन्त्री कर्मचारीलाई ठुलै पद बढुवा ।
कुन पद कमाउने उतै कुटा-कुट छ पशुपति ।।
मालपोत देखि एयरपोर्ट पुलिस र अख्तियार ।
सर्बत्र अपराधि भष्टचारी गुटा-गुट छ पशुपति ।।
बाहिर बोल्छन भित्र छोप्छन नेता यस्तै गर्छन ।
सत्ता कुर्सी पाउन पार्टी फुटा-फुट छ पशुपति ।।
दासढुङ्गा लगि हुर्याईए दरबार भित्रै सिध्याईए ।
तेसैले गाडि हेलिकप्टर जुटा-जुट छ पशुपति ।।
