छौण-: सोनके बणउ बङ्ला सोने चादी बणउ भरल घर।
सात गाउक जिम्दार हल्सु बेङ राजा नाउ बणउ मोर।।
छौणी-:हैनो चाहिँ मोर सोनके बङ्ला न चाहिँ सोने भरल घर।
बिश्वास मुइ कसके करु बेङ राजा लगइ बणउ मोर डर।।
छौण-: एक बीस दस मोर उमेरिया कतउ मानइ तुइ डर।
सपरल रहिहे यबसु लेवे मुइ याजु राती तोर घर।।
छौणी-:दु बीस दस नहिया तोर उमेरिया एक बीस पाच मोर।
हसतउ दुनिया नाही मिल्तउ ज्वाणा मोर हसे तोर।।
छौण-:दुनिया क बात सुनबही तुइ ढल्कतउ तोर जवानी।
पछुतेबही तुइ मोर बात सुन हखबे तुइ बुढबाठिनी ।।
छौणी-:नावे तुइ बेङ्वा तावे तुइ बेङ्वा जित गेले तुइ।
कखना यइबे लेवे मोरके ईसियाई हबसु मुइ।।
छौण -:अरि अरि सङ्वा उफरल बेङ्वा झम्कल बणसु जाइ।
कथी करइ बणही याजु तुइ चल लिगबसु रातीही भगाई।।
छौणी-: अरे अरे बेङ्वा छट्कल तुई डोङ्वा झिन लिगो भगाई।
थाह पउलउ सबहु बाबा देले द्वरियामा टङ्णी बेणाइ।।
छौण-:झुलमुलाह तुइ सङ्वा ईसियाई तोर्के बेङ्वा यमवाक तर।
बेण लागल द्वारियामा पाछा क फेने झेलवा से झर।।
# Chitwan Chhannu
खैरहनी न .पा.~१ , बहेरा
