हमार सनेश सहकर्मी ,,
झुम्का:= थारु महलिा सभा सुनसरी २०७५ सालके दशमी, सुखराईत आ छठ पावैनके अवसरमे शुभकामना लैके और दैके कार्यक्रम आयोजना करैके निर्णय कर्ने छै । सभा जिल्ला कार्यसमिति लगायत थारु महिलासबके उपस्थितीमे रामधुनी ५ झुम्का स्थित थारु कल्याणकारिणी सभाके सभाहलमे यहा आसिन २६ गते सुकरदिन शुख शान्ति समृद्धिके कामना करैत शुभकामना कार्यक्रम करैले ज्यारहल जिल्ला अध्यक्ष शुसिला लेखि बताईल कै ।
आईब रहल पावैनमे थारु मौलिक संस्कार अनुसार मनाईते आपन अपनाईतमे शन्देस दैके खातिर कार्यक्रमके आयोजना करैले ज्यारहलके आयोजक जानकारी देल्कै । कार्यक्रम अन्गुतके १० बजेसे सुरुहेतै कैहके जानकारी कराईने छै । कार्यक्रममे सहभागी भ्याके शुभकामना एक आपनमे लैके और दैकलेल थारु कल्याणकारिणी सभा जिल्ला ,नगर,वडा तैहनङ्ग महिला सभा,नगर,वडा संघसंस्था,थारु पत्रकार,आदिवासि जनजाति पत्रकार लगायत सम्पुर्ण थारु समुदायसबमे नेता दैत उपस्थिती हैकेलेल सभा जिल्ला कार्यसमिति सुनसरी अनुरोध कर्ने छै ।
एैसे पैहने जितिया पावैनके अवसरमे सभा जिल्ला समितिसे ग्याल आसिन १५ गते लाह्यके दिन जितिया कार्यक्रम सम्पन्न करलकै । पुर्व उपप्रंधान मन्त्रि आ माननिय सांसद बिजय कुमार गच्छदारके प्रमुख आतिथ्यतामे जितमहान मुर्तिके पुजा कर्ते कार्यक्रम कर्ने छेलै । थारु संस्कार परमपरा अनुसार पौरानिक धुम्रानाच,झुमैर जटजाटिन,थारु भाषाके आधुनिक नाच सब प्रस्तुत कर्ते कार्यक्रम समपन्न करलकै ।
