विश्वभर कोरोना भाइरस (कोभिड–१९) को संक्रमनबाट मृत्यु हुनेको संख्या २ लाख ९ हजार सात सय ९९ पुगेको छ । जोन्स हप्किन्स विश्वविद्यालको तथ्यांकअनुसार अहिलेसम्म विश्वभर कोरोना भाइरसबाट संक्रमित हुनेको संख्या ३० लाख २० हजार एक सय १७ पुगेको छ ।
अहिलेसम्म अमेरिकामा सबैभन्दा बढी संक्रमित हुनेको संख्या ९ लाख ८३ हजार भन्दा बढी पुगेको छ । त्यस्तै स्पेनमा दुई लाख २९ हजारभन्दा बढी संक्रमित भइसकेका छन् भने इटालीमा एक लाख ९९ हजारभन्दा बढी मानिस संक्रमित भइसकेका छन् ।
त्यस्तै इटालीमा २६ हजार नौ सय ७७ को मृत्यु भएको छ भने स्पेन र फ्रान्समा २३ हजारभन्दा बढीको कोरोना भाइरसको कारण मृत्यु भइसकेको छ ।
अहिलेसम्म विश्वभर कोरोना भाइरसबाट संक्रमित भएका ८ लाख ८७ हजार संक्रमित बिरामीहरु उपचार सकिएर निको भएर घर फर्किसकेका छन् ।
