बिवस्ततामे चल्टिबावई माेर जिन्गी !

बिवस्ततामे चल्टिबावई माेर जिन्गी !
हरेक कष्टसे गल्टिबावई माेर जिन्गी !

सामना कर्ति अाधा जवानी बित्गैल !
टुटल कर्मसे लर्टिबावई माेर जिन्गी !

कैसिक कैना हाे कहिके साेँच्ती बाटुँ !
माेड संघर्षमे जैटिबावई माेर जिन्गी !

थारुनके मेरमेरिक राेचक चालचलन !
चल्नमे जाल बुन्टिबावई माेर जिन्गी !

किसान हाेइटुँ मै खेतीपाती जरुरी बा !
बारीमे खेतवा खन्टिबावई माेर जिन्गी !

गरिबीके हालत गरिबे जान्ठ दुस्र नाई !
दिवाल ईट्टके जाेर्टिबावई माेर जिन्गी !

राम अवतार अन्जान
शिवराज न.पा.३, कपिलवस्तु