लेखक:-बिबश बेनाम ,,
( "एउटा सपनाको अन्त्य" )
ओ, प्रिय !
तिम्रो घरछेउ पुगेका थिए पैताला,
पैताला सँगै एक अंगालो सपना -
तर,
बोलेनन् बलेसि-
मुर्झाएका थिए फूलहरु-
हेर्नसम्म भ्याएनन मेरो आगमन -
आँगनको छेउमा
उभिएको पारिजातको हाँगोले समेत
ओरालो बाटो
देखाईरहेको थियो -
प्रिय !
पैतलाले
सपनाहरु कुल्चन्दै-कुल्चन्दै
आज ओरालो लागे ।
सम्जिनु -
तिमिलाई बाडुलीले झस्कायो भने ,
सम्झिनु-
बार्दलिमा परेवाका जोडी
बिलापमा घुरे भने
सम्झिनु-
सिरिषको सुकेको हांगोमा
कागको बथानले घेर्यो भने,
सम्झिनु-
सम्झिनु प्रिय ,
यो झरिमा एतैकतै मेरो पैताला
निर्दोष ढुङ्गा सँग
बेस्मारी ठोक्किएछ सम्झिनु ।
