काठमाडौं := बारा र पर्साका हावाहुरी पीडितको सहयोगका लागि नयाँ शक्ति पार्टीले ५ लाख रुपैयाँ सहयोग गरेको छ ।
उक्त सहयोग रकम नयाँ शक्ति पार्टीका संयोजक डा. बाबुराम भट्टराईले प्रदेश २ का भौतिक पूर्वाधारमन्त्री जितेन्द्र सोनललाई हस्तान्तरण गरेका छन् । नयाँ शक्तिले प्रदेश न.२ को मुख्यमन्त्री राहत कोषमा रकम हस्तान्तरण गरेको हो ।
यसअघि हावाहुरी पीडितलाई संयोजक डा. भट्टराईले व्यक्तिगत रुपमा १५ दिनको तलब सहयोग गर्ने घोषणा गरेका थिए । भट्टराईले हावाहुरी पीडितलाई सहयोग गर्दा औपचारिक संयन्त्रमार्फत नै गर्न आग्रहसमेत गरेका छन्।
राहत भन्दा पनि बढी आश्वासन दिनेहरु मात्रै आउने गरेको पीडितहरुको गुनासो रहेको छ ।
यता नेकपाका अध्यक्षद्धय,प्रधानमन्त्री केपी शर्मा ओलि र पुष्प कमल दाहाल प्रचण्ड,काङ्ग्रेस सभापति शेर बहादुर देउवा लगायतको शीर्ष नेताहरुले पनि लाखौलाख रकम पीडितहरुलाई सहयोग गर्ने,दिने घोषणा गरेपनी हस्तान्तरण भने गरेको छैन ।
