मलेसियाको राजधानी क्वालालम्पुर स्थित मेरो नेपाल रेस्टुरेन्टको दोस्रो तलामा स्थापना गरेको उक्त सम्पर्क कार्यालयलाई बिधिवत रुपमा नेपाल आदिवासी जनजाति महासंघका अध्यक्ष बिपिन राईले रिबन काटेर उद्घाटन गरेका थिए ।
आदिवासी जनजाति महासंघमा आबद्ध विभिन्न भातृ संघसंस्था पदाधिकारीहरुको उपस्थिति रहेको उक्त उदघाटन कार्यक्रमलाई सम्बोधन गर्दै अध्यक्ष राईले अध्यक्ष निर्बाचित हुने बेला आफुले कार्यालय स्थापना गर्ने गरेको प्रतिबद्धतालाई पूरा गरेको बताए , साथै आगामी दिनमा सबैको साथ सहयोग भए सामाजिक कार्यमा अझ निरन्तर लाग्न थप उर्जा मिल्ने बताए ।
रोजगारको लागि मलेसिया भरी छरिएर रहेको आदिवासीहरुलाई एकीकृत गर्ने उदेश्य र आपत–बिपतमा परेको नेपालीहरुलाई सहयोग लक्ष्यका साथ मलेसियामा सन् २०१३ मा सुन्दर आले मगरको अध्यक्षतामा नेपाल आदिवासी जनजाति महासंघ मलेसियाको गठन भएको थियो।
