आजकलके जबाना म असिन पटोइह्या कहाँ पैना हो ट.?
खोज डेहो रु म्वार डाइक् लाग असिन मेरिक् पटोईह्या ।
फोटु : फेसबुक से साभार
[[गजल]]
कुठ्ली डेंहरी फे, पर्टी रहना पटोइह्या लानिस् कठी मोर डाई।
उहे डेंहरिम् ढान, ढर्टी रहना पटोइह्या लानिस् कठी मोर डाई।
कामेक् डरगर,बाटेक् सिपार,घर अंगना घोटैल बनाके यहाँ।
सारा दिन काम,कर्टी रहना पटोइह्या लानिस् कठी मोर डाई।
सास ससुर्वन् स्याहार सुसार कर्टी,आघे पानी आघे भाट डैके।
उह चुल्हम् आगी, बर्टी रहना पटोइह्या लानिस् कठी मोर डाई।
चाहे टर-टेहुवार रहे चाहे ना रहे, कामेकलाग टैंछोर मैंछोर कर्टी।
घरेक् झोलझाँकर, झर्टी रहना पटोइह्या लानिस् कठी मोर डाई।
समय अनुसारके काम कर्नहां, डिन बिट्लेक् फे पटै नाई पैना।
सद्द गग्रिम् पानी, भर्टी रहना पटोइह्या लानिस् कठी मोर डाई।
"
अंकर 'अन्जान सहयात्री'
पथरैया-4 जबलपुर,कैलाली
