उमेश दुबे,,
बारा :=बाराको आमवा नाकाबाट खुल्याम कपडा तस्करी भैरहेपनी प्रहरी निकाय मौन रहेका छ्न । नेपाल तथा भारतको सिमाना देखि बाराको गन्जभवानिपुर बजारसम्म पर्ने प्रहरी चौकी र सस्त्र क्याम्पहरूमा मोटो रकमको नजराना बुझाए पश्चात् कपडा तस्करी तिब्र रूपले बढेको हो ।
आमवा नाका देखि गन्जभवानिपुरसम्म पर्ने प्रहरी चौकी दछिनझिटकैया, प्रहरी चौकी बरियारपुर, प्रहरी चौकी गन्जभवानिपुर र सस्त्र क्याम्प बेनौली, कवहिगोठ, बरियारपुर, मझरिया लगायतको ठाउहरूमा मोटो रकमको नजराना बुझाए पश्चात् लाइन खोलिएको श्रोतको दाबी रहेको छ । तस्कर खेना यादव प्रहरी चौकी तथा सस्त्र क्याम्पहरूमा ५० हजार देखि १ लाख सम्म दिने गरेको श्रोतले जनाएका छन । ३ वटा प्रहरी चौकी र ४ वटा सस्त्र क्याम्पमा महिनवारी दिए बापत सजिलै अबैध कपडा बाराको गन्जभवानिपुरसम्म पुग्ने गरेको बताए ।
यस विषयमा जिल्ला प्रहरी कार्यालय बाराका प्रमुख प्रहरी उपरीक्षक राजकुमार बैदवारले यश सम्बन्धी आफ्नो टोलि खटाउने र रकम लेन्देन गर्ने जोकोही प्रहरीलाई नछोडिने बताउनु भएको छ । फोटो : फाइल
