काठमाडौ :=प्रतिनिधिसभा सदस्यमा कैलाली क्षेत्र नम्बर १ बाट निर्वाचित रेशमलाल चौधरीसहित टीकापुर घटनामा जेलबन्दी रहेका थारुहरुको रिहाई माग गर्दै थरुहट/थारुवान संयुक्त संघर्ष समितिले राजधानीमा मसाल जुलुस प्रदर्शन गर्ने भएको छ।
थारु कल्याणकारिणी सभा उपत्यका समितिका सभापति सुमन चौधरीले साँझ ६ बजे मसाल जुलुस निकालिने जानकारी दिए। त्यसका लागि काठमाडौंमा रहेका सम्पूर्ण थारुहरुको उपस्थितिका लागि समितिले आह्वान गरेको छ।
संघर्ष समितिको आन्दोलन परिचालन समितिले दिउँसो १ बजे थारु कल्याणकारिणी सभाको केन्द्रीय कार्यालय शान्तिनगरमा उपस्थित हुन थारुहरुको अनुरोध गरेको छ।
त्यस्तै आजै तराई मधेस राष्ट्रिय परिषद्ले माइतीघर मण्डलामा विरोध प्रदर्शन आयोजना गर्दैछ। उसले दिउँसो ४ बजे माइतीघर मण्डलामा विरोध प्रदर्शन आयोजना गर्दैछ।
