राम दहित ,,
धनगढी:= टीकापुर घटनाके अभियोगमे जेल जीवन बिटैटी आइल थुनुवाहुकनहे दशै खर्च हस्तान्तरण कैगिल बा ।
शनिच्चरके रोज थारु सम्बद्ध संघसंस्थासे धनगढीमे आयोजित डसिया उकुवाँर भेट ओ चिनजान कार्यक्रममे उहाँहुकनके लाग उठागिल डशै खर्च रकम जेलमे जाके हस्तान्तरण कैगिल हो ।
कार्यक्रममे उठल २६ हजार रुप्या थाकस कैलाली सभापति लाहुराम चौधरी सहितके थुनुवाहुकन हस्तान्तरण करल थाकस कैलालीके उपाध्यक्ष माधव चौधरी जानकारी डेलै ।
थारु कल्याणकारिणी सभा (थाकस), थारु नागरिक समाज, थारु विद्यार्थी समाज, सखी सञ्जाल, आदिवासी जनजाति महासंघ ओ थारु पत्रकार संघ कैलालीके संयुक्त आयोजनामे कार्यक्रम हुइल रहे ।
यिहे बिच अप्नेहुकनके माग मुद्धा सरकारसे सम्बोधन नैहुइल ओ अधिकारके लडाईके क्रममे टीकापुर घटना घटाइल झुठा अभियोगमे निर्दोष थारुहुकन जेलमे राखल कहटी अप्नेहुक्रे करिया डसिया फेन मनैटी रहल उपाध्यक्ष चौधरी बटैलै ।
