हमार सनेश सहकर्मी ,,
काठमाण्डौं:= टीकापुर घटनाको आरोपितहरुको मुद्दा खारेजी र जेल बन्दीहरुलाई तुरुन्त जेल मुक्त गर्ने लगायत माग सहित नेपाल लोकतान्त्रिक पार्टीले गृहमन्त्री र कानुनमत्रीलाई ज्ञापन पत्र बुझाएको छ ।
बुधबार पार्टीका अध्यक्ष भानुराम डगौंरा थारुको नेतृत्वमा विभिन्न ११ बुँदे ज्ञापनपत्र गृहमन्त्री राम बहादुर थापा र कानुन मन्त्री भानुभक्त ढकाललाई बुझाएको जानकारी दिए । ज्ञापन पत्रमा थरुहट आन्दोलनको क्रममा टीकापुर घटनाको आरोपित जेलबन्दीहरुलाई बिना शर्त रिहाई, कैलाली जिल्ला क्षेत्र नं. १ बाट प्रतिनिधी सभा सदस्यमा अध्यधिक बहुमतले निर्वाचित पुर्पक्षका लागि जेलमा रहेको रेशम चौधरीलाई सपथ ग्रहण गराई पद बहाली लगायतको माग रहेको छ ।
अध्यक्ष थारुले सरकारले टीकापुर घटनालाई लिएर आन्दोलनकारीहरु माथि विभिन्न झुटा मुद्धा लगाई जेलमा सडाउने षडयन्त्र भइरहेको अरोप लगाउँदै उक्त माग कार्यान्वयनका लागि संघ, प्रदेश र स्थानीय तहहरुले समाधानका उपायहरु अवलम्वन गरी यथाशिघ्र कार्यान्वयन गर्न ध्यानाकर्षण समेत गराएका छन् । साथै उक्त माग कार्यान्वयन नभए बाध्य भएर शान्तिपूर्ण सशक्त आन्दोलन चर्काउने समेत चेतावनी दिएको छ ।
