धनगढी := थरुहट थारुवान राष्ट्रिय मोर्चाले गर्दै आएको थरुह्ट आन्दोलनको क्रममा मोर्चाको संयोजक थारु नेता लक्षमण थारुले फाल्गुन १ गते देखि शुरु गरेको अनसन प्रति मानब अधिकार आयोगले ध्यानआकर्षण भएको जनाएको छ।
आयोगले एक प्रेस बिज्ञप्ति जारी गर्दै सो कुरा बताउनु भएको हो । अनसनका कारण थारुको रक्तचापमा अस्थिरता देखिएको, टाउको दुख्ने, ढाड दुख्ने एवम् स्वास्थ्य अवस्था कमजोर हुँदै गएकाले धनगढीस्थित सेती प्रादेशिक अस्पतालको सघन कक्षमा उपचार भइरहेको छ ।
आयोगको सुदूरपश्चिम कार्यालय धनगढीको टोलीले थारुको स्वास्थ्य अवस्थाको अनुगमन गरेको प्रेस बिज्ञप्तिमा आयोगले जनाएको छ । साथै मोर्चाको मागमुद्धालाई नेपाल सरकारले ध्यान दिनुपर्ने बताएका छ्न।
