गजल
हर्ना निहो साहस जुटाक उठि हम्र नारी
चट्टान हो समाज फुटाक उठि हम्र नारी
हिम्मट कर पर्ठा सर्वोच्च शिखर छुना उ
बिग्रल कामक केर्नि बुटाक उठि हम्र नारी
पाछ परल बाटि कठि पाछ पारल हो हमन
पुगल बन्धनक डौरी टुटाक उठि हम्र नारी
संस्कृटि बचैना सस्कार सिख्ना चाहा करि
खुसी म चहकार पिठा कुटाक उठि हम्र नारी
स्वतन्त्रता से जिए पाई पर्ठा हम्र सक्कुज
उ लटपटाइल बौउरा छुटाक उठि हम्र नारी
विष्णु कुसुम
घोराहि, दाङ ।
