कपिलवस्तु:= कपिलवस्तुमा हुलाकी मार्ग निर्माण साधन माथि अज्ञात समूहद्धारा आगजानी भएको छ । शिवराज नगरपालिका–९ तुरुन्तपुरमा १ वटा स्काभेटर र बिजयनगर गाउँपालिका–२ लोहोरौलामा २ वटा जेसिवि, १ वटा स्काभेटर, २ वटा बोलेरो जिपमा गरि ६ वटा साधनमा आगजनी भएको हो ।
बुधवार राती करिब पौने १ बजे भएको घटनामा ना १ क ९०६९,बा २ क ८७२९ नम्बरको जेसिवि, बा १९ च ६६४७, बा १६च५२५० नम्वरको बोलोरो जिप र से १ क ७०,बा २ क १४७३ नम्बरको स्काभेटर जलेको हो ।
आगजानि भएका उक्त सामाग्री हुलाकी मार्ग निर्माण गर्ने जिम्मा लिएको शर्मा एण्ड शर्मा कम्पनीको रहेको छ । हुलाकी मार्ग निर्माण प्रयोग गरिएका निर्माण साधन माथी अज्ञात समूह द्धारा आगजनी भएको प्रहरीले जनाएको छ । आगलागीबाट जेसिभि, स्काभेटर र स्कारपियो पूर्ण क्षति भएको ईलाका प्रहरी कार्यालय गणेशपुरका प्रहरी निरिक्षक मधु नेपालले जनााए ।
घटना स्थलमा इलाका प्रहरी कार्यालय गणेशपुर र खडैचा प्रहरी चौकीको प्रहरी पुगेको बताइएको छ ।
आगो किन र कसले लगाएको भन्ने अनुसन्धान भइरहेको जिल्ला प्रहरी कार्यालय कपिलवस्तुका डिएसपी सुनिल मल्लले जानकारी दिए ।
