काठमाडौं := थारु राष्ट्रिय माघी महोत्सव-२०७६ मुल आयोजक समिती काठमाडौं स्वास्थ बिभागको संयोजकत्वमा रक्तदान कार्यक्रम आयोजना हुने भएको छ।
यहीँ पौष २९ गते मंगलबारको दिन टुडिखेल मैदान काठमाडौंमा बिहान ११:०० बजे देखी माघी महोत्सव मुल आयोजक समितीको मुख्य आयोजनामा सो रक्तदान (blood donation) कार्यक्रम हुन गैईरहेको महोत्सव तयारी समितीको स्वास्थ्य बिभाग संयोजक रहेकी पुष्पा गोजेवार थारुले जानकारी दिईन ।
थारु समुदायको महान राष्ट्रिय पर्व माघ,माघी,खिचरी,तिला सङ्क्रान्ती/नयाँ बर्ष २६४३ को शुभ अवसरमा थारु समुदायको कला,संस्कृति,रितिरिवाज,परम्परालाई जगेर्ना गर्नको लागी प्रत्येक बर्ष झै यस वर्ष पनि माघ १ गतेको दिन दुई दिवसीय बृहत कार्यक्रम सहित काठमाडौं स्थित टुडिखेल मैदानमा थारु राष्ट्रिय माघी महोत्सव-२०७६ थारु समुदायको माउ संस्था थारु कल्याणकारीणी सभाको मुख्य आयोजना तथा उपत्यकामा रहेका विभिन्न संघसंस्थाको संयुक्त सहकार्य,आयोजनामा महोत्सव हुने भएको हो ।
महोत्सवमा पुर्व, मध्य र पश्चिमी थारुको भेषभुषा, खानाका परिकार, पुस्तक, गहना, नृत्य लगायतका कुराहरु प्रस्तुत गरिने आयोजकले बताए । दुई दिन सम्म चल्ने यो महोत्सव निशुल्क हेर्न पाईने छ्न भने महोत्सवमा झन्डै ५० हजार मान्छे सहभागी हुने आयोजकको दाबी रहेको छ।
