काठमाडौं:=थारु साहित्यक शृङ्खला ६१ औं भाग पहिला बार "थारु बरघर रेस्टुरेन्ट" पाँगा ८ कीर्तिपुर भब्य रुपम सप्पन्न हुइल बा । प्रमुख अतिथि नेपाल गुठी संस्थानका केन्द्रीय अध्यक्ष श्री मिनराज चौधरी, सभापति कृष्णराज सर्बहारी, अतिथि मेजर गजेन्द्र दहित, उद्यमि शिब चौधरी, दर्जनौं थारु बुद्धिजीवी लगायत ५२ ठो मैगर साहित्यप्रेमी हुन्कनके उपस्थिति रह ।
कार्यक्रम संचालन उर्मिला गमुवा कर्लरहि । पहुनन स्वागत करती "बरघर थारु रेस्टुरेन्ट" आब यी कार्यक्रम सद्दके लाग निशुल्क ठाउँ उपलब्ध करैना ओ थारुनके परिकार विशेष छुटम खवैना प्रतिबद्धता बरघर रेस्टुरेन्टके घरगोस्या सिताराम थारु जानकारी कर्ल यिह चैत्र ३० गते बरघर थारु रेस्टुरेन्ट उद्घाटनके दिन ५०% छुट रहल जानकारी ककर्ल । बर्का पहुना नेपाल गुठी सस्थानका अध्यक्ष मिनराज थारु साहित्यिक स्रस्ता हुन्कन्के परिपक्वताके प्रसंशा कर्ति आबके जत्राफे कार्यक्रम हुइल यिहिन दस्ताबेजिकरन कर्ना यो आब्ब सरकार रास्तृय पर्व माघिहन उपछ्या कर्ति रास्तृय पर्वमसे हतैल बा यकरलाग सक्कुजे अवाज उठाइक पर्ना आग्रह कर्ल ।
कार्यक्रमके सभापती वरिष्ठ साहित्यकार कृष्णराज सर्बहारी थारुनके काठमाडौम स्पेसल परिकार खाइमिल्ना बरघर थारु रेस्टुरेन्ट प्रसंशा कर्ति काठमाडौम एक्ठो ब्रान्ड बनके आघे बढकना शुभकामना देल यो आइना हमार थारु साहित्यिक शृङ्खला यहि हुइना सक्कुहन जानकारी फे कर्ल । सहभागी हुकहन चियक सतहा घोङी ओ ढिक्री खवाके कार्यक्रम समापन कैगिल ।
