थारुवान ड्टकम,,
काठमाडौं := थारु कल्याणकारिणी सभा तथा थरुहट/थारुवान संयुक्त संघर्ष समितिले शुक्रबार काठमाडौंको माइतीघर मण्डलामा शान्तिपूर्ण विरोध एवं धर्ना कार्यक्रम गरेको छ ।
कैलाली क्षेत्र नं. १ बाट निर्वाचित सांसद रेशम चौधरी लगायत ११ जनालाई कैलाली अदालतबाट जन्मकैदको फैसला सुनाइएपछि त्यसको विरुद्धमा शान्तिपूर्ण विरोध एवम धर्ना कार्यक्रम गरिएको हो ।
धर्ना कार्यक्रममा पहिचानवादी संघसंस्थाहरुको सहभागिता थियो। सहभागी सबैले रेशम चौधरीसहित ११ जनालाई तत्काल रिहाईको माग गरेका थिए। रिहाई नगरे कडा आन्दोलनको चेतावनी उनीहरुले दिएका थिए ।
