राम दहित ,,
धनगढी:= थारु लोक कला गीतबाँस संरक्षण सम्बद्र्धनके लाग जोशीपुर गाउँपालिकामे पौराणिक गीतबासँ अन्वेषण कार्यक्रम हुइल बा ।
हमार म्युजिक बगिया प्रालिके आयोजनामे हुइल कार्यक्रममे पुरान पुरान थारु लोक गीतबाँस, सजना, मैना, बर्कीमार, माँगर, धमार लगायतके गीतबाँस प्रस्तुत करल रहे । ओस्टके कार्यक्रममे सखिया, झुम्रा, बर्कानाच, मुंग्रहुवा नाच लगायतके नाचकोर फेन प्रदर्शन करल कार्यक्रमके संयोजक सुधराम दहित जानकारी डेलै ।
हमार म्युजिक बगिया प्रालिके आयोजनामे हुइल कार्यक्रममे पुरान पुरान थारु लोक गीतबाँस, सजना, मैना, बर्कीमार, माँगर, धमार लगायतके गीतबाँस प्रस्तुत करल रहे । ओस्टके कार्यक्रममे सखिया, झुम्रा, बर्कानाच, मुंग्रहुवा नाच लगायतके नाचकोर फेन प्रदर्शन करल कार्यक्रमके संयोजक सुधराम दहित जानकारी डेलै ।
थारु लोक कला दिनप्रति दिन लोप हुइटी रहल ओरसे संरक्षण सम्बद्र्धनके लाग कार्यक्रम आयोजना करल हमार म्युजिक बगिया प्रालिके अध्यक्ष तथा मोडल बीर चौधरी जानकारी डेलै । ओस्टके लौव युवा पुस्तामे हस्तान्तरणके लाग फेन कार्यक्रम आयोजना करल अध्यक्ष चौधरी बटैलै।
पौराणिक गीतबाँस अन्वेषण कार्यक्रममे हेरैटी गैल थारु लोक गीतबाँस तथा नाचकोर संरक्षणके लाग थारु राष्ट्रिय कलाकार मञ्च ओ स्थानीय जनप्रतिनिधिहुक्रन बीच अन्तक्रिया फेन हुइल जनाइल बा ।
अन्तरक्रिया कार्यक्रम सहभागी कलाकार तथा जनप्रतिनिधीहुक्रे कला संस्कृति संरक्षणके लाग सक्कु जाने एकजुट हुइ पर्ना बटाइल रहिट ।
उहे अवसरमे हमार म्यूजिक बयिया प्रा.लि.के ब्यानर ओ फिरु चौधरीके संयोजनमे निर्माण हुइल गीति एल्वम चुरिया गुरिया–२, के विमोचन फेन करगिल रहे । कार्यक्रममे पुरुबसे पश्छिउसमके थारु कलाकारहुक्रनके सहभागिता रहल रहे ।
यिहे बिच कार्यक्रममे हमार म्युजिक वगिया प्रालिसे टीकापुर घटनाके अरोपमे जेलजिवन बिटैटी रहल राजबन्दीहुक्रनहे ३० हजार नगद आर्थिक सहयोग करल संयोजक दहित जानकारी डेलै ।
उहे अवसरमे हमार म्यूजिक बयिया प्रा.लि.के ब्यानर ओ फिरु चौधरीके संयोजनमे निर्माण हुइल गीति एल्वम चुरिया गुरिया–२, के विमोचन फेन करगिल रहे । कार्यक्रममे पुरुबसे पश्छिउसमके थारु कलाकारहुक्रनके सहभागिता रहल रहे ।
यिहे बिच कार्यक्रममे हमार म्युजिक वगिया प्रालिसे टीकापुर घटनाके अरोपमे जेलजिवन बिटैटी रहल राजबन्दीहुक्रनहे ३० हजार नगद आर्थिक सहयोग करल संयोजक दहित जानकारी डेलै ।
